ജിദ്ദ – കയ്റോയില് നിന്ന് തായിഫിലേക്കുള്ള സര്വീസിനിടെ ഈജിപ്ഷ്യന് പൈലറ്റ് കുഴഞ്ഞുവീണ് മരിച്ചു. യാത്രക്കിടെ പൈലറ്റ് അപ്രതീക്ഷിതമായി കുഴഞ്ഞുവീഴുകയും ഉടന് തന്നെ അന്ത്യശ്വാസം വലിക്കുകയുമായിരുന്നു. പൈലറ്റിന്റെ അപ്രതീക്ഷിത മരണവാര്ത്ത യാത്രക്കാരെ അറിയിച്ച കോ-പൈലറ്റ് വിമാനം അടിയന്തിര ലാന്ഡിംഗിന് ജിദ്ദയിലേക്ക് തിരിച്ചുവിടുന്നതായി പറഞ്ഞു.
ഈജിപ്ഷ്യന് വിമാന കമ്പനിയായ സ്കൈ വിഷനില് എയര്ബസ് 320-എ ഇനത്തില് പെട്ട വിമാനത്തിന്റെ പൈലറ്റ് ആയ ക്യാപ്റ്റന് ഹസന് യൂസുഫ് അദസ് ആണ് മരണപ്പെട്ടത്. കയ്റോയില് നിന്ന് തായിഫിലേക്കുള്ള നെസ്മ എയര്ലൈന്സിന്റെ എന്.ഇ 130-ാം നമ്പര് ഫ്ളൈറ്റില് താല്ക്കാലിക പൈലറ്റായി സേവമനുഷ്ഠിക്കുന്നതിനിടെയാണ് ഇദ്ദേഹം കുഴഞ്ഞുവീണ് മരിച്ചത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group