ജിദ്ദ – കുവൈത്ത് കിരീടാവകാശിയായി നിയമിതനായ ശൈഖ് സ്വബാഹ് ഖാലിദ് അല്‍സ്വബാഹിനെ തിരുഗേഹങ്ങളുടെ സേവകന്‍ സല്‍മാന്‍ രാജാവ് അനുമോദിച്ചു. കുവൈത്ത് കിരീടാവകാശിക്ക് അയച്ച കമ്പി സന്ദേശത്തില്‍ സൗദി അറേബ്യയും കുവൈത്തും ഇരു രാജ്യങ്ങളിലെയും ജനങ്ങളും തമ്മിലുള്ള സാഹോദര്യബന്ധവും സവിശേഷമായ ചരിത്ര ബന്ധവും എടുത്തുപറഞ്ഞ രാജാവ്, കുവൈത്ത് കിരീടാവകാശിക്ക് ആയുരാരോഗ്യങ്ങള്‍ നേരുകയും കുവൈത്ത് ജനതക്ക് കൂടുതല്‍ അഭിവൃദ്ധിയും പുരോഗതിയും കൈവരിക്കാന്‍ സാധിക്കട്ടെയെന്ന് ആശംസിക്കുകയും ചെയ്തു. കുവൈത്ത് കിരീടാവകാശിയെ അനുമോദിച്ച് സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരനും കമ്പി സന്ദേശമയച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group