റിയാദ്: സൗദി അറേബ്യയിലെ റീട്ടെയില്‍ ശൃംഖലയായ സിറ്റി ഫ്‌ലവറിന്റെ പുതിയ ഡിപാര്‍ട്ട്‌മെന്റ് സ്റ്റോര്‍ വടക്കന്‍ സൗദി അറേബ്യയിലെ അല്‍ ജൗഫ് പ്രവിശ്യയിലെ അല്‍ഖുറയാത്ത് നഗരത്തില്‍ നാളെ ബുധന്‍ ഉദ്ഘാടനം ചെയ്യും. മക്ക റോഡില്‍ നജദ് പാര്‍ക്കിന് സമീപം അല്‍ഹമീദിയ സ്ട്രീറ്റില്‍ സിറ്റി ഫ്‌ളവറിന്റെ പുതിയ ഡിപാര്‍ട്ട്‌മെന്റ് സ്റ്റോര്‍ ഫ്‌ളീരിയ ഗ്രൂപ്പ് ചെയര്‍മാന്‍ ഫഹദ് അബ്ദുല്‍കരീം അല്‍ഗുറെമീല്‍ ആണ് ഉദ്ഘാടനം ചെയ്യുക.
ഉദ്ഘാടന വില്‍പനയോടനുബന്ധിച്ച് ഒരാഴ്ച നീണ്ടുനില്‍ക്കുന്ന വന്‍ കില്ലര്‍ ഓഫറുകള്‍ പ്രഖ്യാപിച്ചിട്ടുണ്ട്. കൂടാതെ അനേകം ആകര്‍ഷകമായ ഓഫറുകളും ഉപഭോക്താക്കള്‍ക്കായി ഏര്‍പ്പെടുത്തിയിട്ടുണ്ട്. എല്ലാം ഒരു കുടക്കീഴില്‍ ലഭ്യമാകുന്ന തരത്തിലാണ് പുതിയ സ്റ്റോര്‍ സജ്ജീകരിച്ചിരിക്കുന്നത് ഉദ്ഘാടനദിവസം ആദ്യത്തെ 100 ഉപഭോക്താക്കള്‍ക്ക് 100 റിയാലിന് പര്‍ച്ചേസ് നടത്തിയാല്‍ 50 റിയാലിന് ഫ്രീ വൗച്ചര്‍ മുഖേന അധികമായി പര്‍ചെയ്‌സ് ചെയ്യാന്‍ അവസരമുണ്ട്.
വിപുലമായ വസ്ത്ര ശേഖരം, ആരോഗ്യസൗന്ദര്യ വര്‍ധക വസ്തുക്കള്‍, ഫാഷന്‍ ആടയാഭരണങ്ങള്‍, ഓഫിസ് സ്റ്റേഷനറി വിഭാഗം, കളിപ്പാട്ടങ്ങള്‍, ലഗേജ്, ബാഗ്, കളര്‍ കോസ്‌മെറ്റിക്, വീട്ടു സാധനങ്ങള്‍, പെര്‍ഫ്യൂംസ്, ലോകോത്തര വാച്ചുകള്‍, ഇലക്ട്രോണിക്‌സ് ഉപകരണങ്ങള്‍, പുരുഷന്മാര്‍ക്കും സ്ത്രീകള്‍ക്കും കുട്ടികള്‍ക്കുമുള്ള പ്രത്യേക വസ്ത്ര ശേഖരം, ഹോം ലിനന്‍ തുടങ്ങി ഉപഭോക്താക്കള്‍ക്ക് ആവശ്യമായതെല്ലാം ഉള്‍പ്പെടുത്തിയിട്ടുണ്ട്.
സാധാരണക്കാരായ ഉപഭോക്താക്കള്‍ക്ക് അവരുടെ ഇഷ്ടപ്പെട്ട എല്ലാ ഉത്പന്നങ്ങളും ഏറ്റവും കുറഞ്ഞ വിലയില്‍ ഉറപ്പുവരുത്തുന്ന സിറ്റി ഫ്‌ലവര്‍ സൗദി അറേബ്യയിലെ എല്ലാ പ്രവിശ്യകളിലും സേവനം എത്തിക്കുക എന്ന ദൗത്യത്തിന്റെ ഭാഗമായാണ് അല്‍ ഖുറയാത്തില്‍ സ്റ്റോര്‍ ഓപ്പണ്‍ ചെയ്യുന്നതെന്നും ഉപഭോക്താക്കള്‍ തരുന്ന മികച്ച പ്രതികരണമാണ് പുതിയ സ്ഥാപനങ്ങള്‍ തുടങ്ങാന്‍ ഞങ്ങള്‍ക്ക് പ്രചോദനമാകുന്നതെന്നും മാനെജ്‌മെന്റ് വക്താക്കള്‍ വാര്‍ത്താകുറിപ്പില്‍ അറിയിച്ചു
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group