ജിദ്ദ – ജിദ്ദ തുറമുഖം വഴി വിദേശത്തു നിന്ന് ഇറക്കുമതി ചെയ്ത കാറില്‍ അതിവിദഗ്ധമായി ഒളിപ്പിച്ച് മയക്കുമരുന്ന് ശേഖരം കടത്താന്‍ ശ്രമിച്ച എട്ടംഗ സംഘം അറസ്റ്റില്‍. 3,10,000 ലഹരി ഗുളികകളാണ് സംഘം കടത്താന്‍ ശ്രമിച്ചത്.
കാറില്‍ വ്യത്യസ്ത സ്ഥലങ്ങളില്‍ ഒളിപ്പിച്ച നിലയിലാണ് മയക്കുമരുന്ന് ശേഖരം കണ്ടെത്തിയതെന്ന് സകാത്ത്, ടാക്‌സ് ആന്റ് കസ്റ്റംസ് അതോറിറ്റി വക്താവ് ഹമൂദ് അല്‍ഹര്‍ബി പറഞ്ഞു.
മയക്കുമരുന്ന് ശേഖരം കണ്ടെത്തിയ ശേഷം, ജനറല്‍ ഡയറക്ടറേറ്റ് ഓഫ് നാര്‍കോട്ടിക്‌സ് കണ്‍ട്രോളുമായി ഏകോപനം നടത്തി, മയക്കുമരുന്ന് ശേഖരം സൗദിയില്‍ സ്വീകരിച്ച എട്ടു പേരെ അറസ്റ്റ് ചെയ്യുകയായിരുന്നെന്നും ഹമൂദ് അല്‍ഹര്‍ബി പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group