നവോദയയുടെ വി.എസ്. അനുശോചന യോഗം നാളെ

റിയാദ്: അന്തരിച്ച മുൻ മുഖ്യമന്ത്രിയും മുതിർന്ന സിപിഐ(എം) നേതാവുമായ വി.എസ്. അച്യുതാനന്ദന്റെ നിര്യാണത്തിൽ നവോദയയുടെ ആഭിമുഖ്യത്തിൽ പൊതുസമൂഹത്തിന്റെ അനുശോചന യോഗം ജൂലൈ 25 വെള്ളിയാഴ്ച വൈകുന്നേരം 6 മണിക്ക് ബത്തയിലെ അപ്പോളോ ഡിമോറ ഹാളിൽ നടക്കും.

പ്രവാസികളുടെ ക്ഷേമത്തിനായി നിരവധി പദ്ധതികൾ ആവിഷ്കരിച്ച വി.എസിന്റെ നേതൃത്വത്തിലുള്ള സർക്കാരിന്റെ സംഭാവനകളെ അനുസ്മരിച്ച്, കക്ഷിരാഷ്ട്രീയത്തിന് അതീതമായി എല്ലാവരെയും യോഗത്തിലേക്ക് നവോദയ ക്ഷണിക്കുന്നു.

വി.എസിനെ സ്നേഹിക്കുന്ന പ്രവാസി സമൂഹത്തിന് അദ്ദേഹത്തിന് ആദരാഞ്ജലികൾ അർപ്പിക്കാനുള്ള അവസരമായാണ് ഈ യോഗം സംഘടിപ്പിച്ചിരിക്കുന്നത്. കൂടുതൽ വിവരങ്ങൾക്ക് 0557861264, 0508898691 എന്നീ നമ്പറുകളിൽ ബന്ധപ്പെടാവുന്നതാണ്.