ജിദ്ദ: തിരൂരങ്ങാടി മണ്ഡലം കെ.എം.സി.സി “സംഘടനയെ സജ്ജമാക്കാം, തെരഞ്ഞെടുപ്പിന് ഒരുങ്ങാം” എന്ന പ്രമേയത്തിൽ ‘ചിരാത്-2025’ നൈറ്റ് ക്യാമ്പ് സംഘടിപ്പിച്ചു. വരാനിരിക്കുന്ന ത്രിതല പഞ്ചായത്ത് തെരഞ്ഞെടുപ്പിന്റെ പ്രാധാന്യവും പ്രവാസികളുടെ വിഷയങ്ങൾ സംബന്ധിച്ചുള്ള ചർച്ചകളും ക്യാമ്പിൽ നടന്നു. സംഘടന പാർലമെന്റ്, വിവിധ ഗെയിമുകൾ, മെഹ്ഫിൽ തുടങ്ങിയ സെഷനുകൾ ക്യാമ്പിന് മാറ്റ് കൂട്ടി.
ജിദ്ദ കെ.എം.സി.സി സെൻട്രൽ കമ്മിറ്റി പ്രസിഡന്റ് അരിമ്പ്ര അബൂബക്കർ ഉദ്ഘാടനം നിർവഹിച്ചു. മലപ്പുറം ജില്ലാ കെ.എം.സി.സി ഉപാധ്യക്ഷൻ നൗഫൽ ഉള്ളാടൻ ത്രിതല പഞ്ചായത്ത് തെരഞ്ഞെടുപ്പ് ക്യാമ്പയിന്റെ പ്രമേയ പ്രഭാഷണം നടത്തി. മണ്ഡലം കെ.എം.സി.സി പ്രസിഡന്റ് ജാഫർ വെന്നിയൂർ അധ്യക്ഷത വഹിച്ചു.
സൗദി കെ.എം.സി.സി സെക്രട്ടറി നാസർ വെളിയങ്കോട്, ജിദ്ദ കെ.എം.സി.സി ജനറൽ സെക്രട്ടറി വി.പി. മുസ്തഫ, മലപ്പുറം ജില്ലാ കെ.എം.സി.സി ജനറൽ സെക്രട്ടറി നാണി ഇസ്ഹാഖ്, ട്രഷറർ ഇല്യാസ് കല്ലിങ്ങൽ, റഫീഖ് കൂളത്ത്, റഫീഖ് പന്താരങ്ങാടി, അഷ്ഫാഖ് കൊടിഞ്ഞി, റാഫി തെന്നല, സക്കരിയ കൊടിഞ്ഞി, അഷ്റഫ് പരപ്പനങ്ങാടി, മുജീബ് സി.വി, പി.എം. ബാവ, ഗഫൂർ പൂങ്ങാടൻ, മുനീർ പോക്കാട്ട്, മുസ്തഫ കെ.കെ, മുഹമ്മദാലി പരപ്പനങ്ങാടി, മുനീർ തലാപ്പിൽ, മുഹമ്മദലി കുന്നുമ്മൽ, ജാബിർ എടരിക്കോട് തുടങ്ങിയവർ വിവിധ സെഷനുകളിൽ സംസാരിച്ചു.
മണ്ഡലം കെ.എം.സി.സി ജനറൽ സെക്രട്ടറി റഷീദ് കോഴിക്കോടൻ സ്വാഗതവും വൈസ് പ്രസിഡന്റ് അബ്ദുസ്സമദ് പൊറ്റയിൽ നന്ദിയും പറഞ്ഞു.