യുവതിക്ക് നേരെ ലൈംഗികാതിക്രമം: ബംഗ്ലാദേശുകാരൻ അസീറിൽ അറസ്റ്റിൽ

അബഹ: യുവതിക്ക് നേരെ ലൈംഗികാതിക്രമം നടത്തിയ ബംഗ്ലാദേശുകാരനെ അസീർ പോലീസ് സാമൂഹിക സുരക്ഷാ, മനുഷ്യക്കടത്ത് വിരുദ്ധ വിഭാഗവുമായി സഹകരിച്ച് അറസ്റ്റ് ചെയ്തു. നിയമാനുസൃത ഇഖാമയിൽ രാജ്യത്ത് താമസിക്കുന്ന മദ്ദ് റകീബ് ഹുസൈൻ ആണ് അറസ്റ്റിലായത്. നിയമനടപടികൾ പൂർത്തിയാക്കി പ്രതിയെ പബ്ലിക് പ്രോസിക്യൂഷന് കൈമാറിയതായി അസീർ പോലീസ് അറിയിച്ചു.

മറ്റൊരു സംഭവത്തിൽ, റിയാദിൽ ഒരു വ്യാപാര സ്ഥാപനത്തിൽ മറ്റൊരാളെ ആക്രമിച്ച യുവാവിനെ റിയാദ് പോലീസ് അറസ്റ്റ് ചെയ്തു. പ്രതിയെ നിയമനടപടികൾക്കായി പബ്ലിക് പ്രോസിക്യൂഷന് കൈമാറിയതായി റിയാദ് പോലീസ് വ്യക്തമാക്കി.