റിയാദ്- ദീര്‍ഘകാലം റിയാദില്‍ സാമൂഹിക സേവന മേഖലയില്‍ സജീവമായിരുന്ന ആലപ്പുഴ മാരാരിക്കുളം കാണികാട്ട് വീട്ടില്‍ കെ ഡി ബാബു (62) ഹൃദയാഘാതത്തെ തുടര്‍ന്ന് നാട്ടില്‍ നിര്യാതനായി.
റിയാദിലെ ആലപ്പുഴ കൂട്ടായ്മയായ ഈസ്റ്റ് വെനീസ് അസോസിയേഷന്റെ (ഇവ) ആദ്യകാല ജോയിന്റ് സെക്രട്ടറിയാണ്. സുവൈദിയില്‍ സ്വന്തമായി എസി വര്‍ക്ക് ഷോപ്പ് നടത്തിയിരുന്നു. നാട്ടിലെത്തിയ ശേഷവും സാമൂഹിക പ്രവര്‍ത്തനങ്ങളിലും പൊതുരംഗത്തും സജീവമായിരുന്നു. സാന്ത്വന പരിചരണ രംഗത്ത് പ്രവര്‍ത്തിക്കുന്ന ആലപ്പുഴ ആല്‍ഫാ പാലിയേറ്റിവ് കെയറിന്റെ പ്രവര്‍ത്തനങ്ങളില്‍ ബാബു സജീവമായി ഇടപെട്ടിരുന്നു. സംസ്‌കാരം നാളെ ബുധന്‍ രാവിലെ വീട്ടുവളപ്പില്‍. ഭാര്യ ജോഷി ബാബു.
കെ ഡി ബാബുവിന്റെ വേര്‍പാടില്‍ ഇവ റിയാദ് ഘടകം അനുശോചനം രേഖപ്പെടുത്തി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group