വാഷിംഗ്ടണ് – അമേരിക്കയെയോ അതിന്റെ പ്രസിഡന്റിനെയോ പ്രീതിപ്പെടുത്താന് സൗദി അറേബ്യ സാങ്കല്പ്പിക നിക്ഷേപ അവസരങ്ങള് സൃഷ്ടിക്കുന്നില്ലെന്ന് സൗദി കിരീടാവകാശി മുഹമ്മദ് ബിന് സല്മാന് രാജകുമാരന് പറഞ്ഞു. അവതരിപ്പിക്കപ്പെടുന്ന എല്ലാ അവസരങ്ങളും യഥാര്ഥമാണ്. ഇവ സൗദി അറേബ്യയുടെ യഥാര്ഥ ആവശ്യങ്ങളെ അടിസ്ഥാനമാക്കിയുള്ളതാണ്. ഹ്രസ്വകാലത്തേക്ക്, രാജ്യത്തിനുള്ളിലെ നമ്മുടെ ആവശ്യങ്ങള് നിറവേറ്റാനായി സെമികണ്ടക്ടര് മേഖലയില് ഞങ്ങള് ഏകദേശം 50 ബില്യണ് ഡോളര് ചെലവഴിക്കും. സൗദി അറേബ്യയുടെ ആവശ്യങ്ങളോടും നിക്ഷേപ തന്ത്രങ്ങളോടും പൂര്ണ്ണമായും യോജിക്കുന്ന നിരവധി നിക്ഷേപ അവസരങ്ങള് അമേരിക്കയിലുണ്ട്.
അമേരിക്കയുമായുള്ള സഹകരണം യാഥാര്ഥ്യബോധമുള്ളതും പരസ്പര താല്പ്പര്യങ്ങളെ അടിസ്ഥാനമാക്കിയുള്ളതുമാണ്. സൗദി-അമേരിക്കന് ബന്ധം ശക്തവും ആഗോള സുരക്ഷക്ക് അത്യാവശ്യവുമാണ്. സെപ്റ്റംബര് 11 ന് അമേരിക്കയിലുണ്ടായ അല്ഖാഇദ ഭീകരാക്രമണങ്ങള് ഈ ബന്ധത്തെ തകര്ക്കാനും നശിപ്പിക്കാനും ഉദ്ദേശിച്ചുള്ളതാണെന്നും കിരീടാവകാശി പറഞ്ഞു.
സൗദി അറേബ്യക്ക് എഫ്-35 യുദ്ധവിമാനങ്ങള് വില്ക്കാന് യു.എസ് പ്രസിഡന്റ് ഡൊണാള്ഡ് ട്രംപ് അംഗീകാരം നല്കിയതായി വൈറ്റ് ഹൗസ് അറിയിച്ചു. ഇത് ഇരു രാജ്യങ്ങളും തമ്മിലുള്ള സൈനിക സഹകരണത്തിന്റെ ഉയര്ന്ന തലത്തെ പ്രതിഫലിപ്പിക്കുന്നു. സൗദി അറേബ്യയില് സമാധാനപരമായ ഊര്ജ പദ്ധതികളെ പിന്തുണക്കാന് ലക്ഷ്യമിട്ടുള്ള സിവിലിയന് ആണവ സഹകരണ കരാറും സൗദി അറേബ്യക്ക് 300 ടാങ്കുകള് വില്ക്കാനുള്ള കരാറും ഒപ്പുവെച്ചിട്ടുണ്ടെന്നും വൈറ്റ്ഹൗസ് പ്രസ്താവനയില് പറഞ്ഞു.
കൃത്രിമബുദ്ധി മേഖലയില് ചരിത്രപരമായ ധാരണാപത്രത്തില് ഒപ്പുവെച്ചത് സൗദി അറേബ്യയും അമേരിക്കയും തമ്മിലുള്ള സാങ്കേതിക പങ്കാളിത്തത്തിലെ ഗുണപരമായ കുതിച്ചുചാട്ടമാണ്. ഇത് നൂതന സാങ്കേതികവിദ്യാ മേഖലയില് സഹകരണത്തിന് വിശാലമായ ചക്രവാളങ്ങള് തുറക്കും.