യു.എ.ഇയിലെ വിവിധയിടങ്ങളിൽ കനത്ത മഴ: മുൻകരുതൽ എടുക്കണമെന്ന് മുന്നറിയിപ്പ്

അബുദാബി: യു എ ഇ യിലെ ഷാർജ, അജ്മാൻ, റാസൽ ഖൈമ,ഫുജൈറ എന്നിവിടങ്ങളിൽ ഇന്ന് ഏപ്രിൽ 29 ഉച്ചക്ക് മുമ്പേ കനത്ത മഴയും ആലിപ്പഴ വർഷവും റിപ്പോർട്ട് ചെയ്തു. പലയിടങ്ങളിലും കനത്ത മഴ പെയ്തതിനാൽ വാഹനയാത്രക്കാർ ഏറെ ബുദ്ധിമുട്ടി. കൂടുതൽ മുൻകരുതൽ എടുക്കാനും യുഎഇയുടെ കാലാവസ്ഥാ വകുപ്പ് ജനങ്ങളോട് നിർദ്ദേശിച്ചു.

ശക്തമായ കാറ്റ് തിരശ്ചീന ദൃശ്യപരത കൂടുതൽ കുറച്ചേക്കാം. വെള്ളപ്പൊക്ക സാധ്യതയുള്ള സ്ഥലങ്ങളിൽ നിന്നും സുരക്ഷ ഉറപ്പാക്കാൻ മഴവെള്ളം അടിഞ്ഞുകൂടുന്ന സ്ഥലങ്ങളിൽ നിന്നും വിട്ടുനിൽക്കേണ്ടത് നിർണായകമാണെന്ന് അതോറിറ്റി അറിയിച്ചു.