ദോഹ– ദോഹയിൽ നിന്നും മുംബൈയിലേക്ക് കൊക്കെയ്ൻ കടത്തിയ യുവതിയെ മുംബൈ വിമാനത്താവളത്തിൽ വെച്ച് അറസ്റ്റ് ചെയ്തു. ബിസ്കറ്റ്, ചോക്ലേറ്റ് പാക്കറ്റുകളിൽ ക്യാപ്സൂൾ രൂപത്തിലാണ് ലഹരി ഒളിപ്പിച്ചിരുന്നത്. 62.6 കോടി രൂപയുടെ കൊക്കെയ്നാണ് യുവതി കടത്താൻ ശ്രമിച്ചത്. ചൊവ്വാഴ്ച മുംബൈ വിമാനത്താവളത്തിൽ നിന്ന് പുറത്തേക്ക് കടക്കാൻ ശ്രമിക്കുന്നതിനിടെ ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡിആർഐ) ആണ് ഇവരെ പിടികൂടിയത്.
ദോഹയിൽ നിന്നും മുംബൈയിലേക്ക് യാത്ര ചെയ്യുന്ന ഒരു സ്ത്രീയുടെ കയ്യിൽ ലഹരിയുണ്ടെന്ന് രഹസ്യ വിവരം ലഭിച്ചതിനെത്തുടർന്ന് നടത്തിയ പരിശോധനയിലാണ് യുവതി പിടിയിലായത്. ആറ് വലിയ ബിസ്‌ക്കറ്റ് പാക്കറ്റുകളും മൂന്ന് ചോക്ലേറ്റ് പാക്കറ്റുകളുമാണ് യുവതിയിൽ നിന്നും ഉദ്യോഗസ്ഥർ കണ്ടെത്തിയത്. 300 ക്യാപ്സൂൾ കണ്ടെടുത്തതായി ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡിആർഐ) അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group