ദോഹ – ലോക രാജ്യങ്ങളിൽ ജീവകാരുണ്യ രംഗത്തെ ഖത്തറിന്റെ മാതൃകാ പ്രവർത്തകക്ക് ഇനി ദോഹ, അബൂഹമൂർ പൊതു ശ്മശാനത്തിൽ അന്ത്യ വിശ്രമം. ഐക്യ രാഷ്ട്ര സഭയിൽ ഖത്തറിന്റെ സ്പെഷ്യൽ റാപ്പോർട്ടർ, കാരുണ്യ സന്നദ്ധ പ്രവർത്തനങ്ങൾക്കായുള്ള അറബ് ലീഗ് സെക്രട്ടറി ജനറലിന്റെ പ്രത്യേക പ്രതിനിധി എന്നീ ചുമതലകൾ നിർവ്വഹിച്ച പ്രമുഖ സന്നദ്ധ പ്രവർത്തക ശൈഖ ഹെസ്സ ബിൻത് ഖലീഫ ബിൻ അഹ്മദ് ബിൻ അലി അൽത്താനി ആണ് ഖത്തറിൽ അന്തരിച്ചത്.
ഖത്തർ യുവജന, കായിക മന്ത്രി ശൈഖ് ഹമദ് ബിൻ ഖലീഫാ അൽതാനിയുടെ സഹോദരിയാണ്. അന്താരാഷ്ട്ര തലത്തിൽ ഖത്തറിന്റെ നേതൃസ്ഥാനം ഉയർത്തുന്നതിൽ ഷെയ്ഖ ഹെസ്സ ബിൻത് ഖലീഫ പ്രധാന പങ്ക് വഹിച്ചിട്ടുണ്ട്. ദുരിതാശ്വാസ, മാനുഷിക പ്രവർത്തന മേഖലകളിൽ ഒട്ടേറെ സംഭാവനകൾ നൽകിയ അതുല്യ വ്യക്തിത്വമായിരുന്നു.
അബൂഹമൂറിൽ നടന്ന മയ്യിത്ത് നമസ്കാരത്തിൽ മന്ത്രിമാരുൾപ്പെടെ നിരവധിപേർ പങ്കെടുത്തു. നാനതുറ വ്യത്യസ്ത മേഖലകളിലെ നിരവധിപേർ പ്രാർഥനക്കായും അനുശോചനമർപ്പിക്കാനും എത്തിയിരുന്നു.