പതിനൊന്നാമത് ഫിഫ അറബ് കപ്പിന് ഇന്ന് തുടക്കം

ദോഹ– പതിനൊന്നാമത് ഫിഫ അറബ് കപ്പിന് ഇന്ന് തുടക്കം കുറിക്കും. കഴിഞ്ഞ ഫിഫ അറബ് കപ്പിന് ആതിഥേയത്വം വഹിച്ച ഖത്തറിൽ തന്നെയാണ് ഇത്തവണയും വേദി. ഫി​ഫ അ​ണ്ട​ർ 17 ​ലോ​ക​ക​പ്പി​ന് പിന്നാലെയാണ് അടുത്ത ഒരു കാൽ പന്ത് മാമാങ്കത്തിന് ഖത്തറിൽ ഇന്ന് തുടക്കം കുറിക്കുന്നത്. ഉദ്ഘാടനം മത്സരത്തിൽ ടുണീഷ്യ സിറിയയെ നേരിടും. ഇന്ത്യൻ സമയം വൈകിട്ട് ആറരക്ക് ( ഖത്തർ / സൗദി – 4:00 PM) അ​ഹ്മ​ദ് ബി​ൻ അ​ലി സ്റ്റേഡിയത്തിൽ വെച്ചാണ് മത്സരം. കൂടാതെ ഇന്ത്യൻ സമയം രാത്രി 9:15 ന് ( ഖത്തർ / സൗദി – 6:45 PM) ആതിഥേയരായ ഖത്തർ പലസ്തീനെ നേരിടും. ഈ മത്സരം അൽ ഖോറിലെ അൽ ബെയ്ത് സ്റ്റേഡിയത്തിൽ വെച്ചാണ്.

ഇത്തവണയും അറബ് ലോകത്ത് നിന്നുള്ള 16 ടീമുകളാണ് പങ്കെടുക്കുന്നത്. ഡിസംബർ 18 നാണ് കലാശ പോരാട്ടം അ​രങ്ങേറുക. 2022 ലോകകപ്പ് ഫൈനലിന് സാക്ഷ്യം വഹിച്ച ​ലു​സൈ​ൽ സ്റ്റേ​ഡി​യ​ത്തി​ലാണ് കലാശ പോരാട്ടം. ഡിസംബർ 18 നാണ് കലാശ പോരാട്ടം അരങ്ങേറുക.

ലു​സൈ​ൽ, ഖ​ലീ​ഫ ഇ​ന്റ​ർ​നാ​ഷ​ന​ൽ സ്റ്റേ​ഡി​യം, എ​ജു​ക്കേ​ഷ​ൻ സി​റ്റി, അ​ൽ ബെ​യ്ത്, അ​ഹ്മ​ദ് ബി​ൻ അ​ലി, 974 എ​ന്നീ ആറ് സ്റ്റേ​ഡി​യ​ങ്ങ​ളി​ലാ​യാ​ണ് മത്സരങ്ങൾ.

പതിനൊന്നാമത് ഫിഫ അറബ് കപ്പ് 2025 ഗ്രൂപ്പുകൾ

ഗ്രൂപ്പ് എ: ഖത്തർ, ടുണീഷ്യ, സിറിയ, പലസ്തീൻ.
ഗ്രൂപ്പ് ബി: മൊറോക്കോ, സൗദി അറേബ്യ, ഒമാൻ, കൊമോറോസ്.
ഗ്രൂപ്പ് സി: ഈജിപ്ത്, ജോർദാൻ, യു എ ഇ, കുവൈത്ത്.
ഗ്രൂപ്പ് ഡി: അൾജീരിയ, ഇറാഖ്, ബഹ്‌റൈൻ, സുഡാൻ.

ഓരോ ഗ്രൂപ്പിൽ നിന്നും ആദ്യ രണ്ട് സ്ഥാനങ്ങളിലുള്ള ടീമുകൾ നോക്ക്ഔട്ട് ഘട്ടത്തിലേക്ക് കടക്കും. 1963ൽ ​ആ​രം​ഭി​ച്ച അ​റ​ബ് ക​പ്പിന്റെ നിലവിലെ ചാമ്പ്യന്മാർ അ​ൾ​ജീ​രി​യയാണ്. ഫൈ​ന​ലി​ൽ തു​നീ​ഷ്യ​യെ തോ​ൽ​പി​ച്ചാണ് അൾജീരിയ​ കി​രീ​ടം ചൂ​ടി​യത്. നാല് തവണ കി​രീ​ടം നേടിയ ഇ​റാ​ഖാ​ണ് അ​റ​ബ് ക​പ്പ് ഏ​റ്റ​വും കൂ​ടു​ത​ൽ നേ​ടി​യത്. സൗ​ദി അ​റേ​ബ്യ രണ്ടു തവണയും ടുണീഷ്യ, മൊറോക്കോ, ഈജിപ്ത്, അൾജീരിയ എന്നിവർ ഓരോ വീതവും ചാമ്പ്യന്മാരായിട്ടുണ്ട്.