കുവൈത്ത് സിറ്റി: ആശുപത്രികളിലെയും ആരോഗ്യ കേന്ദ്രങ്ങളിലെയും നഴ്‌സിംഗ് ജീവനക്കാർക്കുള്ള അലവൻസിലും ഗാറ്റഗറിയിലും ആരോഗ്യ മന്ത്രാലയം പരിഷ്‌കരണങ്ങൾ പ്രഖ്യാപിച്ചു. തൊഴിലിൻ്റെ ആകർഷണീയത വർദ്ധിപ്പിക്കുന്നതിനൊപ്പം അവരുടെ സമർപ്പണത്തെ പ്രോത്സാഹിപ്പിക്കുന്നതിനും പ്രതിഫലം നൽകുന്നതിനും ലക്ഷ്യമിട്ടാണ്.
പുതിയ ഭേദഗതികൾക്ക് കീഴിൽ തൊഴിൽ അലവൻസിൻ്റെ സ്വഭാവത്തിൻ്റെ “സി” എന്ന വിഭാഗം നിർത്തലാക്കുകയും അതിൻ്റെ ഗുണഭോക്താക്കളെ “ബി” വിഭാഗത്തിലേക്ക് മാറ്റി. കൂടാതെ, ചില വിഭാഗങ്ങളെ “ബി” ൽ നിന്ന് “എ” ലേക്ക് ഉയർത്തുന്നതിന് ക്രമീകരണങ്ങൾ വരുത്തിയിട്ടുണ്ട്. കാറ്റഗറിയും ജോലി ശീർഷകവും അടിസ്ഥാനമാക്കി അലവൻസ് 30 മുതൽ 50 ദിനാർ (8000 രൂപ മുതൽ 13500 രൂപ) വരെ വർദ്ധിപ്പിച്ചാണ് ഈ മാറ്റങ്ങൾ വരുന്നത്.
കുവൈറ്റ് പൗരന്മാരും വിദേശികളും ഉൾപ്പെടെ യോഗ്യരായ നഴ്‌സിംഗ് സ്റ്റാഫുകൾക്ക് ഈ ഭേദഗതികൾ. സാമ്പത്തിക, പരിഷ്കരണ സംവിധാനങ്ങൾ വേഗത്തിലാക്കാൻ ആരോഗ്യ മന്ത്രാലയം രൂപം നൽകി.