അഞ്ചു ലക്ഷത്തിലേറെ ഹാജിമാർ പുണ്യഭൂമിയിൽ

മക്ക: ഈ വർഷത്തെ ഹജ് സീസൺ ആരംഭിച്ച ശേഷം ഇതുവരെ അഞ്ചു ലക്ഷത്തിലേറെ വിദേശ തീർത്ഥാടകർ പുണ്യഭൂമിയിലെത്തിയതായി ഹജ്, ഉംറ മന്ത്രാലയം അറിയിച്ചു. ഇതുവരെ 5,04,600 തീർത്ഥാടകരാണ് പുണ്യഭൂമിയിലെത്തിയത്.

ഈ വർഷം ഹജ് വിസ അനുവദിക്കപ്പെട്ടവരിൽ 36 ശതമാനം പേർ ഇതിനകം സൗദിയിലെത്തി. വിദേശ തീർത്ഥാടകരിൽ 10,100 പേർ കര മാർഗവും 4,93,100 പേർ വിമാന മാർഗവും 1,400 പേർ കപ്പൽ മാർഗവുമാണ് എത്തിയതെന്നും ഹജ്, ഉംറ മന്ത്രാലയം വ്യക്തമാക്കി.