തൃശൂർ സ്വദേശിയായ യുവാവിനെ ഷാർജയിൽ രണ്ട് മാസമായി കാണാനില്ലെന്ന് പരാതി

ഷാർജ: ഷാർജയിൽ തൃശൂർ തിരുമുക്കുളം കുഴൂർ സ്വദേശിയായ ജിത്തു സുരേഷിനെ രണ്ടു മാസമായി കാണാനില്ലെന്ന് പിതാവ് സുരേഷ്കുമാർ ഷാർജ പോലീസിൽ പരാതി നൽകി.
സ്വകാര്യ കമ്പനിയിൽ സെയിൽ അസിസ്റ്റൻറ് ആയി ജോലിചെയ്തു വരികയായിരുന്ന ജിത്തുവിനെ കഴിഞ്ഞ മാർച്ച് 10 മുതലാണ് കാണാതായത്.

ജിത്തു പോകാൻ ഇടയുള്ള എല്ലായിടത്തും കയറിയിറങ്ങിയെന്നും ചോദിക്കാനുള്ള എല്ലായിടത്തും ചോദിച്ചു എന്നും പിതാവ് പറയുന്നു. കേന്ദ്രമന്ത്രിക്ക് അടക്കം പരാതി നൽകിയിട്ടുണ്ട് .ഇതുവരെയും ഒരു സൂചനയും ലഭിച്ചിട്ടില്ല.ഇപ്പോഴും അബുദാബിയിലുള്ള ജോലി കഴിഞ്ഞ് ദിവസേന ഷാർജയിലെത്തി ഇന്ത്യൻ കോൺസുലേറ്റിലും ഷാർജ പോലീസിലും നിരന്തരം കയറിയിറങ്ങി മകന് വേണ്ടിയുള്ള അന്വേഷണം തുടരുകയാണ് പിതാവ്.