ജിദ്ദ ടി.എം.ഡബ്ല്യു.എ ഫുട്ബോൾ ടൂർണമെന്റ് ഇന്ന് നടക്കും

ജിദ്ദ– ജിദ്ദ ടി.എം.ഡബ്ല്യു.എ. ഫുട്ബോൾ ടൂർണമെന്റ് 2025 ബാവാദിയിലെ മഹർ അക്കാദമി ഗ്രൗണ്ടിൽ വെച്ച് നടക്കുമെന്ന് ഭാരവാഹികൾ അറിയിച്ചു. സെപ്റ്റംബർ 19 ന് വൈകിട്ട് 4.30 മുതൽ രാത്രി 11.00 വരെ നടക്കുന്ന ഇൻ ഹൗസ് ടൂർണമെൻ്റിൽ മുതിർന്നവരുടെ 4 ടീമുകൾ മാറ്റുരക്കും. ടൂർണമെന്റിന്റെ ഭാഗമായി കുട്ടികൾക്കുള്ള ഫ്രണ്ട്ലി ഫുട്ബോൾ മത്സരങ്ങളും സംഘടിപ്പിച്ചിട്ടുണ്ട്.

മുതിർന്നവരുടെ ടൂർണമെൻ്റിൽ ഏറ്റവും കൂടുതൽ പോയിൻ്റുകൾ ലഭിക്കുന്ന 2 ടീമുകൾ ഫൈനലിൽ മത്സരിക്കും. കുട്ടികളുടെ ഫ്രണ്ട്‌ലി മത്സരങ്ങളിൽ 4 ടീമുകൾ മത്സരിക്കും. നോക്കൗട്ട് മാച്ചുകളിൽ വിജയിക്കുന്ന 2 ടീമുകൾ ഫൈനലിൽ ഏറ്റ്മുട്ടും.

ഫ്യൂഷൻ ഫോർ ട്രേഡിംഗ്, അഷ്യുറെക്സ് അസോസിയേറ്റ്സ്, ഗ്ലോബൽ സോഴ്സ് ട്രേഡിംഗ്, യു.ടി.എസ്.സി, മിലൻ ട്രേഡിംഗ് എന്നിവരുടെ സഹകരണത്തോടെയാണ് ടൂർണമെൻ്റ് നടത്തുന്നത്.