മസ്കത്: ഒരു വരിക്ക ചക്കയും രണ്ടു കൊട്ട മാങ്ങയും റെക്കോർഡ് തുകക്ക് മസ്കറ്റിൽ ലേലം ഉറപ്പിച്ചു. “നമ്മൾ ചാവക്കാട്ടുകാർ” ഒമാൻ ചാപ്റ്റർ ഒരുക്കിയ “മഹർജാൻ ചാവക്കാട് 2024” വിഷു ഈദ് ഈസ്റ്റർ മെഗാ ഉത്സവത്തിലാണ് 16 കിലോ തൂക്കമുള്ള ഒരു വരിക്ക ചക്കയും രണ്ട് കൊട്ട മാങ്ങയും ആവേശകരമായ ലേലം ഉറപ്പിച്ചത്.
പത്ത് ഒമാനി റിയാൽ അടിസ്ഥാനവില നിശ്ചയിച്ച ചക്കക്കു ഷഹീർ ഇത്തിക്കാടാണ് മകൾ നൗറീൻ ഷഹീറിന്റെ ആഗ്രഹം നിറവേറ്റാൻ വേണ്ടി ഏകദേശം മുക്കാൽ ലക്ഷം രൂപക്കടുത്തു വരുന്ന 335 ഒമാനി റിയാലിന് ലേലം വിളിച്ചെടുത്തത്.
കൂട്ടയ്മയിലെ ഒരംഗം നാട്ടിൽ പോയപ്പോൾ കൊണ്ടുവന്ന നാടൻ വരിക്ക ചക്കയാണ് ലേലം വിളിച്ചത്. “മഹർജാൻ ചാവക്കാട് 2024” ഭാഗമായി വിവിധ കലാകായിക പരിപാടികൾ സംഘടിപ്പിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group