റിയാദ്- സൗദി അറേബ്യയിൽ ഹൂത്തി വിമതരുടെ ആക്രമണങ്ങളുമായി ബന്ധപ്പെട്ട ദൃശ്യങ്ങൾ പകർത്തിയതിനെ തുടർന്ന് അമേരിക്കൻ പൗരന്മാരെ കസ്റ്റഡിയിലെടുത്തതായി റിയാദിലെ യു.എസ് എംബസി അറിയിച്ചു. എത്രപേരാണ് കസ്റ്റഡിയിലുള്ളതെന്ന് എംബസി വ്യക്തമാക്കിയിട്ടില്ല.
ആക്രമണങ്ങളുടെയും മിസൈൽ-ഡ്രോൺ പ്രതിരോധ പ്രവർത്തനങ്ങളുടെയും ദൃശ്യങ്ങൾ പകർത്തുന്നതിനും പ്രസിദ്ധീകരിക്കുന്നതിനും സൗദി ആഭ്യന്തര മന്ത്രാലയം കർശന വിലക്ക് ഏർപ്പെടുത്തിയിട്ടുണ്ട്. ഇത്തരം വിവരങ്ങളോ ആക്രമണം നടന്ന സ്ഥലങ്ങളുടെ ദൃശ്യങ്ങളോ പങ്കുവെക്കുന്നത് കടുത്ത നിയമനടപടികൾക്ക് കാരണമാകുമെന്ന് യു.എസ് മിഷൻ തങ്ങളുടെ പൗരന്മാർക്ക് മുന്നറിയിപ്പ് നൽകി. സൗദിയിലെത്തുന്ന സന്ദർശകരും താമസക്കാരും പ്രാദേശിക നിയമങ്ങൾ കർശനമായി പാലിക്കണമെന്നും ജാഗ്രത പുലർത്തണമെന്നും നിർദേശമുണ്ട്.
സൗദി അറേബ്യയിലുള്ള യു.എസ് സർക്കാർ ജീവനക്കാർ രാജ്യത്തെ ഏതെങ്കിലും വിമാനത്താവളങ്ങൾ ഉപയോഗിക്കുന്നതിന് മുൻപ് എംബസിയുടെ പ്രത്യേക അനുമതി വാങ്ങണമെന്ന് നിർദേശിച്ചിട്ടുണ്ട്. കൂടാതെ, സൗദിയിലെ വിമാനത്താവളങ്ങൾ ഉപയോഗിക്കുന്ന മറ്റ് അമേരിക്കൻ പൗരന്മാരോടും അങ്ങേയറ്റം ജാഗ്രത പാലിക്കാൻ എംബസി ആവശ്യപ്പെട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group