ദുബൈ– യുഎഇ വിസയ്ക്ക് അപേക്ഷിക്കുന്നവർ പാസ്‌പോർട്ടിന്റെ പുറം കവർ പേജിന്റെ പകർപ്പ് സമർപിക്കണമെന്ന് നിർദേശം. ദുബൈയിലെ ആമർ സെന്ററുകളിലും ദുബൈയിലെയും അബുദാബിയിലെയും ടൈപ്പിംഗ് സെന്ററുകളിലും ഇക്കാര്യം അറിയിച്ചു. വിസിറ്റ് വിസക്കും മറ്റു വിസകൾക്കും ഇത് ബാധകമാണ്.
എല്ലാ എൻട്രി പെർമിറ്റ് അപേക്ഷകൾക്കും പാസ്‌പോർട്ടിന്റെ പുറം പേജ് നിർബന്ധിത രേഖയായി ഉൾപ്പെടുത്തിയിട്ടുണ്ട്.എല്ലാ രാജ്യക്കാർക്കും എല്ലാതരം വിസകൾക്കും ഇത് ബാധകമാണെന്നും സർക്കുലറിൽ പറയുന്നു.എന്നാൽ ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്, കസ്റ്റംസ് ആൻഡ് പോർട്ട് സെക്യൂരിറ്റി (ഐസിപി), ജനറൽഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (ജിഡിആർഎഫ്എ) എന്നിവ ഇതുമായി ബന്ധപ്പെട്ട് പ്രസ്താവന പുറത്തിറക്കിയിട്ടില്ല.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group