കുവൈത്ത് സിറ്റി– ഡീസൽ കള്ളക്കടത്തു കേസിൽ 9 പേർ കുവൈത്തിൽ പിടിയിൽ. പിടിയിലായവരിൽ 4 ഇന്ത്യക്കാരും ഉള്ളതായാണ് വിവരം. ഇവരെ കൂടാതെ 3 സ്വദേശികളും ഒരു ഈജിപ്തുകാരനുമാണ് അറസ്റ്റിലായത്. കേസിൽ ഉൾപ്പെട്ട സിറിയക്കാരൻ നേരത്തെ രാജ്യം വിട്ടിരുന്നു.
കബദിലെ കൃഷിയിടത്തിൽ നിന്ന് 10 കണ്ടെയ്നറുകളിലായി ശേഖരിച്ചുവച്ച ഡീസലും പിടിച്ചെടുത്തിട്ടുണ്ട്. കുവൈത്ത് മുനിസിപ്പാലിറ്റിയിൽ ജോലി ചെയ്തുവരുന്ന സ്വദേശിയുടെ നേതൃത്വത്തിലായിരുന്നു പ്രതികൾ ഡീസൽ ശേഖരിച്ചുവച്ചത്. തുടർ നടപടികൾക്കായി പ്രതികളെ പബ്ലിക് പ്രോസിക്യൂഷന് കൈമാറി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group