ബഹ്റൈനിൽ പി. ജയചന്ദ്രനെ അനുസ്മരിച്ച് സംഗീതകച്ചേരി, ഇന്ന് ജനകീയ നൃത്തമത്സരം

മനാമ– ബഹ്റൈൻ കേരളീയ സമാജത്തിന്റെ (BKS) ഓണാഘോഷങ്ങളുടെ ഭാഗമായി വിടപറഞ്ഞ ഇന്ത്യൻ പിന്നണി ഗായകൻ പി. ജയചന്ദ്രനെ അനുസ്മരിച്ച് സംഗീതകച്ചേരി സംഘടിപ്പിച്ചു. പന്തളം ബാലൻ, രവി ശങ്കർ, പ്രമീള എന്നിവർ ചേർന്ന് സംഗീതം അവതരിപ്പിച്ചു. രവി മേനോൻ പ്രത്യേകാതിഥിയായി പങ്കെടുത്തു.

ഇന്നത്തെ ഓണാഘോഷങ്ങളുടെ ഭാഗമായി രാത്രി 7.30-ന് ഇന്ത്യൻ ജനകീയ നൃത്തമത്സരം നടക്കും. ഇന്ത്യയിലെ വിവിധ ഭാഗങ്ങളിൽ നിന്നുള്ള 11 ടീമുകൾ പങ്കെടുക്കുന്ന മത്സരത്തിൽ വിജയികൾക്ക് പാരിതോഷികങ്ങൾ നൽകും.