അബുദാബി: അബുദാബി സായിദ് ഇൻ്റർനാഷ്ണൽ വിമാനത്താവളം വഴി യാത്ര ചെയ്യുന്ന യാത്രക്കാർക്കായി മുസ്സഫയിൽ പുതിയ സിറ്റി ചെക്ക്-ഇൻ സേവനം ആരംഭിച്ചു
ഫെബ്രുവരിയിൽ യാസ് മാളിൽ സമാനമായ സേവനം ആരംഭിച്ചതിന് ശേഷം ഈ വർഷം ആരംഭിക്കുന്ന രണ്ടാമത്തെ സൗകര്യമാണിത്. എത്തിഹാദ് എയർവേയ്സ് എയർ അറേബ്യ, വിസ് എയർ , ഈജിപ്ത് എയർ എന്നീ വിമാനങ്ങൾക്ക് മുസ്സഫയിലെ ശാബിയ 11ലെ മൊറാഫിഖ് ചെക്ക് ഇൻ സൗകര്യം ലഭിക്കും. ഈ രണ്ട് സർവീസുകൾ കൂടാതെ സായിദ് പോർട്ടിലെ അബുദാബി ക്രൂയിസ് ടെർമിനലിന്റെ ടെർമിനൽ 1 ൽ ചെക്ക് ഇൻ ചെയ്യാനുള്ള സൗകര്യ നിലവിലുണ്ട്.
വിമാനം പുറപ്പെടുന്നതിനു 24 മുതൽ 4 മണിക്കൂർ മുമ്പ് ലെഗേജ് നൽകി സൗകര്യത്തിനനുസരിച്ച് ബോർഡിംഗ് പാസ് നേടാനാകുമെന്ന് മൊറാഫിഖ് പ്രസ്താവനയിൽ പറഞ്ഞു.
ചെക്ക് ഇൻ ഡെസ്ക് ദിവസവും രാവിലെ 10 മുതൽ രാത്രി 10 വരെയാണ് പ്രവർത്തിക്കുക.12 വയസ്സിന് മുകളിൽ പ്രായമുള്ള മുതിർന്നവർക്ക് 35 ദിർഹവും 12 വയസും അതിന് താഴെയുള്ള കുട്ടികൾക്ക് 25 ദിർഹവും 2 വയസും അതിന് താഴെയുള്ള ശിശുകർക്ക് 15 ദിർഹവുമാണ് ചെക്ക് ഇൻ നിരക്കുകൾ.