മനാമ- ബഹ്റൈനില് ജനങ്ങളെ പരിഭ്രാന്തരാക്കി താമസകേന്ദ്രങ്ങളില് ഡ്രോണ് പതിച്ചതിന് പിന്നാലെ വിശദീകരണവുമായി ആഭ്യന്തരമന്ത്രാലയം. മനാമയിലേയും പരിസരത്തേയും നിരവധി റസിഡന്ഷ്യല് കേന്ദ്രങ്ങള് ലക്ഷ്യമിട്ടായിരുന്നു ആക്രമണമെന്നും കൂടുതല് വിവരങ്ങള് പിന്നീട് പുറത്തുവിടുമെന്നും ബഹ്റൈന് ആഭ്യന്തരമന്ത്രാലയം എക്സില് പുറപ്പെടുവിച്ച പ്രസ്താവനയില് വിശദീകരിച്ചു.
രാത്രി ഏഴേ മുപ്പതോടെ ഹൂറയിലെ ഇറ ടവറിലായിരുന്നു ഡ്രോണ് പതിച്ചത്. കെട്ടിടത്തിന്റെ മുകള് നിലകളിലൊന്നിലാണ് ആക്രമണമുണ്ടായത്. ആളപായമില്ല. സംഭവ സ്ഥലത്ത് സിവില് ഡിഫന്സ് രക്ഷാപ്രവര്ത്തനവുമായി രംഗത്തുണ്ട്. പരിഭ്രാന്തിയുടെ ആവശ്യമില്ലെന്നും നിയന്ത്രണാധീനമാണെന്നും അടുത്തുളള സുരക്ഷിത കേന്ദ്രത്തിലേക്ക് ആളുകള് മാറണമെന്നും ആഭ്യന്തരമന്ത്രാലയം പ്രസ്താവനയില് വ്യക്തമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group