കുവൈത്ത് പൗരത്വം നഷ്ടപ്പെട്ടവർക്ക് പാസ്‌പോർട്ടുകൾ പുതുക്കി നൽകി ബഹ്‌റൈൻ

മനാമ– കുവൈത്ത് പൗരത്വം നഷ്ടപ്പെട്ട എല്ലാ ബഹ്‌റൈൻ പൗരന്മാർക്കും പാസ്‌പോർട്ടുകൾ പുതുക്കി നൽകി ബഹ്‌റൈൻ. ബഹ്‌റൈൻ രാജാവ് ഹമദ് ബിൻ ഈസ അൽ ഖലീഫയുടെ നിർദ്ദേശപ്രകാരമാണ് ഈ നീക്കം. സഞ്ചാര സ്വാതന്ത്ര്യം ഉറപ്പാക്കുക എന്ന ലക്ഷ്യത്തോടെയാണ് നടപടി.

കുവൈത്ത് പൗരത്വം നഷ്ടപ്പെട്ടവരുടെ അവകാശങ്ങളും ക്ഷേമവും സംരക്ഷിക്കാൻ ഇത് സഹായകമാകുന്നു. പാസ്‌പോർട്ടുകൾ പുതുക്കുന്നതിലൂടെ, ദേശീയ ഐക്യദാർഢ്യം നിലനിർത്തുക പൗരത്വം നഷ്ടപ്പെട്ട കുടുംബങ്ങൾക്ക് പിന്തുണ നൽകുക എന്നിവയാണ് സർക്കാർ ലക്ഷ്യമിടുന്നത്.