ജിദ്ദ – മക്ക പ്രവിശ്യയിലെ ഖുന്‍ഫുദക്കിൽ ബോട്ട് കേടായി നടുക്കടലിൽ കുടുങ്ങിയ രണ്ടു ബംഗ്ലാദേശുകാരെ രക്ഷപ്പെടുത്തി. ബോട്ട് കേടായതോടെ ഇരുവരും ഉടനെ അതിര്‍ത്തി സുരക്ഷാ സേനാ കണ്‍ട്രോള്‍ റൂമില്‍ ബന്ധപ്പെട്ട് സഹായം തേടുകയായിരുന്നു. തുടർന്ന് രക്ഷാ സംഘങ്ങളെത്തി ഇരുവരെയും കരക്കെത്തിച്ച് ആവശ്യമായ സഹായങ്ങള്‍ നല്‍കി.
സമുദ്ര യാത്ര ആരംഭിക്കുന്നതിന് മുമ്പ് ബോട്ടുകളുടെ സുരക്ഷ ഉറപ്പാക്കണമെന്നും സമുദ്ര സുരക്ഷാ മാര്‍ഗനിര്‍ദേശങ്ങള്‍ പാലിക്കണമെന്നും അതിര്‍ത്തി സുരക്ഷാ സേന അഭ്യര്‍ഥിച്ചു. അടിയന്തര സാഹചര്യങ്ങളില്‍ മക്ക, മദീന, കിഴക്കന്‍ പ്രവിശ്യകളില്‍ 911 എന്ന നമ്പറിലും മറ്റു പ്രവിശ്യകളില്‍ 994 എന്ന നമ്പറിലും ബന്ധപ്പെട്ട് സഹായം തേടണമെന്നും സുരക്ഷാ സേന ആവശ്യപ്പെട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group