പുതിയ കാറിന്റെ പേര് “മമ്മുക്ക” എന്ന് രജിസ്റ്റര്‍ ചെയ്തിറക്കി നിർമാതാവ് നെൽസൺ ഐപ്പ് . താരത്തിന്റെ ഏറ്റവും വലിയ ബോക്സ് ഓഫിസ് ഹിറ്റുകളിൽ ഒന്നായ മധുര രാജയുടെ നിർമ്മാതാവാണ് നെൽസൺ ഐപ്പ്. അദ്ദേഹത്തിന്റെ മകൻ കാനഡയിൽ വാങ്ങിയ പുതിയ കാറിന്റെ നമ്പർ പ്ലേറ്റിലാണ് മമ്മൂക്ക നിറഞ്ഞു നിൽക്കുന്നത്.
ഫെയ്‌സ്ബുക്കിലൂടെ നെല്‍സണ്‍ തന്നെയാണ് പുതിയ കാറിന്റെ വിശേഷങ്ങള്‍ പങ്കുവെച്ചിരിക്കുന്നത്. കാനഡയിലെ കിയയുടെ ഷോറൂമില്‍ നിന്നുള്ളതാണ് ചിത്രം. എന്തായാലും കാനഡയിലെ ‘മമ്മൂക്ക’ കാര്‍ ആരാധകരുടെ മനം കവര്‍ന്നിട്ടുണ്ട്. നിരവധി പേരാണ് ഫോട്ടോ പോസ്റ്റ് ചെയ്ത് സന്തോഷം പങ്കുവെച്ചിരിക്കുന്നത്.മധുര രാജ കൂടാതെ ചാട്ടുളി എന്ന സിനിമയും നെൽസൺ നിർമ്മിച്ചിട്ടുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group