ഇസ്രായിൽ ധനമന്ത്രി ഇന്ന് ഇന്ത്യയിലെത്തും; ഇന്ത്യയും ഇസ്രായിലും തമ്മിലുള്ള നിക്ഷേപ ഉടമ്പടി ഉടൻ

ജറുസലം – ഇന്ത്യയും ഇസ്രായിലും തമ്മിലുള്ള നിക്ഷേപ ഉടമ്പടി ഉടൻ. ഇന്ന് ഇസ്രായിൽ ധനമന്ത്രി ബെസലേൽ സ്മോട്രിച്ച് ഇന്ത്യയിലെത്തും. ബെസലേൽ സ്മോട്രിച്ചിന്റെ ഇന്ത്യാ സന്ദർശന വേളയിൽ ഒപ്പുവയ്ക്കുന്ന ഉടമ്പടി ഇരു രാജ്യങ്ങളും തമ്മിലുള്ള സ്വതന്ത്ര വ്യാപാര കരാറിനു നിലമൊരുക്കും.

ഈ വർഷം ഇന്ത്യ സന്ദർശിക്കുന്ന നാലാമത്തെ ഇസ്രായിൽ മന്ത്രിയാണ് സ്മോട്രിച്ച്. കേന്ദ്രമന്ത്രിമാരായ നിർമല സീതാരാമൻ, പീയൂഷ് ഗോയൽ, മനോഹർ ലാൽ ഖട്ടർ എന്നിവരുമായി കൂടിക്കാഴ്ച നടത്തും. ടൂറിസം, വ്യവസായ, കൃഷി മന്ത്രിമാർ നേരത്തേ സന്ദർശനം നടത്തിയിരുന്നു. ബുധനാഴ്ചയോടെ ബെസലേൽ സ്മോട്രിച്ച് മടങ്ങും.