ഖത്തറിൽ വെള്ളിയാഴ്ച നിരവധി റോഡുകൾ അടച്ചിടും; വാഹനങ്ങൾ തിരിച്ചുവിടുമെന്നും ആഭ്യന്തര മന്ത്രാലയത്തിന്റെ മുന്നറിയിപ്പ്

ദോഹ- ഖത്തറിൽ വിവിധ റോഡുകൾ ഇന്ന് അടച്ചിടുമെന്ന് ആഭ്യന്തര മന്ത്രാലയത്തിന്റെ മുന്നറിയിപ്പ്. ചില വാഹനങ്ങൾ വഴിതിരിച്ചുവിടുമെന്നും മന്ത്രാലയം വ്യക്തമാക്കി. വെള്ളിയാഴ്ച മുതൽ അൽ ബിദ്ദ സ്ട്രീറ്റിലേയും ഒമർ അൽ മുഖ്താർ സ്ട്രീറ്റിലേയും റോഡ് താൽക്കാലികമായി അടച്ചിടും. വെള്ളിയാഴ്ച പുലർച്ചെ 2 മണി മുതൽ രാവിലെ 10 മണി വരെ ഷാർക്ക് ടണലും താൽക്കാലികമായി അടച്ചിടും.

ഓഗസ്റ്റ് 8 വെള്ളിയാഴ്ച മുതൽ ഓഗസ്റ്റ് 10 ഞായറാഴ്ച പുലർച്ചെ 5 മണി വരെ കോർണിഷ് സ്ട്രീറ്റിൽ ഷെറാട്ടൺ ഇന്റർസെക്ഷൻ മുതൽ ഡാഫ്‌ന ഇന്റർസെക്ഷൻ വരെയുള്ള രണ്ട് വരി പാതകൾ അടച്ചിടുന്നതിനാൽ ഗതാഗതം വഴിതിരിച്ചുവിടാനും പദ്ധതിയുണ്ട്. സുരക്ഷാ ഉറപ്പ് വരുത്തുന്നതിനായി ട്രാഫിക് നിയമങ്ങൾ പാലിച്ചുകൊണ്ട് വേണം യാത്ര ചെയ്യാനെന്ന് ആഭ്യന്തര മന്ത്രാലയം മുന്നറിയിപ്പ് നൽകി.