ദമാം: കെ.എം.സി.സി ദമാം സെൻട്രൽ കമ്മിറ്റി സംഘടിപ്പിച്ച ഖുർആൻ മുസാബഖ സീസൺ – 5 ഗ്രാൻഡ് ഫിനാലെക്ക് ഉജ്വല സമാപനം. പ്രമുഖ പണ്ഡിതൻ അഡ്വ:മുഹമ്മദ് ഫൈസി ഓണംപിള്ളി മുഖ്യാതിഥിയായിരുന്നു. ഗ്രാൻഡ് ഫിനാലെയിൽ സബ് ജൂനിയർ,ജൂനിയർ,സീനിയർ (ആൺകുട്ടികളും,പെൺകുട്ടികളും) , ജനറൽ വിഭാഗം (പുരുഷന്മാർ,വനിതകൾ) എന്നിങ്ങനെ 8 വിഭാഗങ്ങളിലായി 70 മത്സരാർത്ഥികളാണ് പങ്കെടുത്തത്.
അഹമ്മദ് സൈദ്,റസിൻ അലി,മിഷാൽ സിനാൻ (സബ് ജൂനിയർ ബോയ്‌സ് ), ആലിയ,റൻവ ഹാരിസ്,ലാമ അഷ്‌റഫ് (സബ്‌ജൂനിയർ ഗേൾസ്),റാദിൻ മുഹമ്മദ്,അഹമ്മദ് ഷിംലാൽ,ഇഹാൻ സൈൻ (ജൂനിയർ ബോയ്‌സ്),ഫൈഹ ഫൈസൽ ,മർയം ഫാത്തിമ,ആയിഷ ഇസ്സ (ജൂനിയർ ഗേൾസ്),മിസ്അബ് സിനാൻ,മുഹമ്മദ് മിദ്‌ലാജ്,ഫഹ്‌മാൻ നാസൂഹ്(സീനിയർ ബോയ്‌സ്),ഹബീബ ഇമ്പിച്ചിക്കോയ,സൈനബ് ,ഫാത്തിമ മർവ (സീനിയർ ഗേൾസ്),ഫളലുർറഹ്മാൻ ,അബ്ദുള്ളാ നൂറുദ്ധീൻ,ശാക്കിർ ഇല്യാസ് (ജനറൽ ജൻറ്സ് ),യാസ്‌നീൻ സിനാൻ ,ജുമാന,നേഹ അൻസാരി (ജനറൽ ലേഡീസ്) തുടങ്ങിയവർ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.വിജയികൾക്ക് ഗോൾഡ് കോയിനും സർട്ടിഫിക്കറ്റും ഉൾപ്പെടെ വിവിധ സമ്മാനങ്ങൾ നൽകി ആദരിച്ചു. ഇസ്ലാമിലെ പ്രശസ്തരായ 6 ശാസ്ത്രജ്ഞരെയും അവർ ലോകത്തിനു നൽകിയ സംഭവനകളെയും കുറിച്ചുള്ള എം എസ് എഫ് ബാലകേരളം വിദ്യാർത്ഥികളായ ഷഹബ മെഹ്‌വിഷ്,നദ ഫാത്തിമ,മുഹമ്മദ് അജ്‍ലാൻ,മുഹമ്മദ് അജ്‌സാൽ,മുഹമ്മദ് ഫരീദ്,ഹുസ്‌ന അബൂബക്കർ എന്നിവർ അവതരിപ്പിച്ച സിമ്പോസിയം സദസ്സിനു നവ്യാനുഭവമായി.
സെൻട്രൽ കമ്മിറ്റി പ്രസിഡന്റ് ഹമീദ് വടകരയുടെ അധ്യക്ഷതയിൽ നടന്ന പ്രോഗ്രാം ഈസ്റ്റേൺ പ്രോവിൻസ് കെ.എം.സി.സി പ്രസിഡന്റ് മുഹമ്മദ് കുട്ടി കോഡൂർ ഉൽഘാടനം ചെയ്തു. അഡ്വ:മുഹമ്മദ് ഫൈസി ഓണംപിള്ളി റമദാൻ സന്ദേശം നൽകി. മജീദ് ചുങ്കത്തറ ഖിറാഅത്ത് നിർവ്വഹിച്ചു. സെൻട്രൽ കമ്മിറ്റി ജനറൽ സെക്രട്ടറി മുജീബ് കൊളത്തൂർ സ്വാഗതവും,സൈനു കുമളി നന്ദിയും പറഞ്ഞു. സമൂഹ ഇഫ്താറും, ലോകസഭ ഇലക്ഷൻ കാമ്പയിനും നടന്നു. കെ.എം.സി.സി സൗദി നാഷണൽ കമ്മിറ്റി ചെയർമാൻ ഖാദർ ചെങ്കള, സെക്രട്ടറി ആലിക്കുട്ടി ഒളവട്ടൂർ,ഈസ്റ്റേൺ പ്രൊവിൻസ് ജനറൽ സെക്രട്ടറി സിദ്ധീഖ് പാണ്ടികശാല,പ്രോഗ്രാം മുഖ്യ രക്ഷാധികാരി ഖാദർ മാസ്റ്റർ, ആർ.പി.എം പ്രതിനിധി , അൽ റയാൻ മാനേജർ അൻവർ ഉൾപ്പെടെ കിഴക്കൻ പ്രവിശ്യയിലെ വിവിധ മേഖലകളിലെ പ്രമുഖർ പങ്കെടുത്തു. പ്രോഗ്രാം കമ്മിറ്റി ചെയർമാൻ ബഷീർ ബാഖവി,കൺവീനർ അസ്‌ലം കൊളക്കോടൻ,ഫൈസൽ ഇരിക്കൂർ,റഹ്‌മാൻ കാരയാട്, അഷ്‌റഫ് ആളത്ത്, ഖാദർ അണങ്കൂർ,മഹമൂദ് പൂക്കാട്,സലാം മുയ്യം,ഷിബിലി ആലിക്കൽ ,അബ്ദുറഹ്മാൻ പൊന്മുണ്ടം,സലാഹുദ്ധീൻ വേങ്ങര,അഫ്‌സൽ വടക്കേക്കാട് തുടങ്ങിയവർ പരിപാടി നിയന്ത്രിച്ചു.