സ്‌കൂൾ വിട്ട് മടങ്ങവേ ഓട്ടോ മറിഞ്ഞ് നാലാംക്ലാസ് വിദ്യാർത്ഥിനി മരിച്ചു

തൃശൂർ: സ്‌കൂൾ വിട്ട് വീട്ടിലേക്ക് മടങ്ങുന്നതിനിടെ തിരുവില്ലാമലയിൽ ഓട്ടോറിക്ഷ മറിഞ്ഞ നാലാം ക്ലാസ് വിദ്യാർത്ഥിനി മരിച്ചു. തിരുവില്ലാമല ക്രൈസ്റ്റ് ന്യൂ ലൈഫ് സ്‌കൂളിലെ നാലാം ക്ലാസ് വിദ്യാർത്ഥിനി നേഹ നന്ദനാണ് മരിച്ചത്.

ഇന്ന് വൈകുന്നേരംസ്‌കൂൾ വിട്ട് ഓട്ടോറിക്ഷയിൽ വരുന്നതിനിടെ വാഹനം മറിഞ്ഞ് കുട്ടി തെറിച്ചുവീഴുകയായിരുന്നു. പഴയന്നൂരിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വാഹനത്തിലുണ്ടായിരുന്ന മറ്റു കുട്ടികൾ നിസ്സാര പരുക്കുകളോടെ രക്ഷപ്പെട്ടതായി പോലീസ് പറഞ്ഞു.