(പുന്നയൂർക്കുളം) മലപ്പുറം: മലപ്പുറം ജില്ലയിലെ പുത്തനത്താണിയിൽ കോൺക്രീറ്റ് മിക്‌സർ ലോറിയിടിച്ച് ബൈക്ക് യാത്രികനായ യുവാവിന് ദാരുണാന്ത്യം. മന്ദലാംകുന്ന് സെൻററിനു സമീപം പരേതനായ കൂളിയാട്ട് മൊയ്തുണ്ണിയുടെ മകൻ ശിഹാബാ(42)ണ് മരിച്ചത്.
കോട്ടക്കൽ സ്വകാര്യ ആശുപത്രിയിലുള്ള ബന്ധുവിനെ കാണാൻ ഭാര്യ ഖൈറുന്നീസയുമായി പോകുന്നതിനിടെ, ഇന്നലെ രാത്രി 8.30-ഓടെയാണ് അപകടമുണ്ടായത്. ബൈക്ക് കുറച്ച് ദൂരം വലിച്ചുകൊണ്ട് പോയ റെഡിമിക്‌സർ ലോറി ശിഹാബിന്റെ ശരീരത്തിൽ കയറിയിറങ്ങിയതിനെ തുടർന്ന് തൽക്ഷണം മരിക്കുകയായിരുന്നുവെന്നാണ് റിപോർട്ട്ു.
ഇടിയുടെ ആഘാതത്തിൽ ഭാര്യ റോഡിലേക്ക് തെറിച്ചുവീണെങ്കിലും കാര്യമായ പരിക്കൊന്നുമില്ലാതെ അത്ഭുതകരമായ രക്ഷപ്പെട്ടു. ഫാത്തിമയാണ് ശിഹാബിന്റെ മാതാവ്. മക്കൾ: മുസ്‌ലിഹ്, മുഹ്‌സിൻ. സഹോദരങ്ങൾ: നിയാസ്, ഫെബിന. ഖബറടക്കം ഇന്ന് (തിങ്കൾ) വൈകുന്നേരം മന്ദലാംകുന്ന് ജുമാ മസ്ജിദ് ഖബർസ്ഥാനിൽ നടക്കുമെന്ന് ബന്ധുക്കൾ അറിയിച്ചു.