ബലിപെരുന്നാൾ, അബുദാബി, ദുബൈ, ഷാർജ എമിറേറ്റുകളിൽ പാർക്കിംഗ് സൗജന്യം

ദുബായ്: ബലി പെരുന്നാളിനോടനുബന്ധിച്ച് ജൂൺ15 ശനിയാഴ്ച മുതൽ ജൂൺ18 ചൊവ്വാഴ്ച വരെ എമിറേറ്റിൽ പൊതു പാർക്കിംഗ് സൗജന്യമായിരിക്കുമെന്ന് ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അധികൃതർ അറിയിച്ചു.

ബഹുനില പാർക്കിംഗ് സൗകര്യങ്ങളിൽ ഇത് ബാധകമല്ല. ഷാർജയിൽ നീല അടയാള ചിഹ്നങ്ങളുള്ള പണമടച്ചുള്ള പാർക്കിംഗ് മേഖലകൾ ഒഴികെയുള്ള എല്ലാ പൊതു പാർക്കിംഗ് സ്ഥലങ്ങളും അവധി ദിനങ്ങളിൽ സൗജന്യമായി ഉപയോഗിക്കാമെന്ന് ഷാർജ മുനിസിപ്പാലിറ്റി അധികൃതരും വ്യക്തമാക്കിയിട്ടുണ്ട്.

ജൂൺ 15 ശനിയാഴ്ച മുതൽ ജൂൺ 18 ചൊവ്വാഴ്ച വരെ അബുദാബിയിൽ പൊതു പാർക്കിംഗ് സൗജന്യമായിരിക്കുമെന്ന് അബുദാബി മുനിസിപ്പാലിറ്റി ആൻഡ് ട്രാൻസ്പോർട്ട് ഡിപ്പാർട്ട്മെൻറ് അറിയിച്ചു. അതേദിവസങ്ങളിൽ ഡർബ് ടോൾ ഗേറ്റുകൾ വഴിയുള്ള യാത്രയും സൗജന്യമായിരിക്കും.