ആലപ്പുഴ: ബിജെപിക്ക് പഴയ ശക്തിയില്ലെന്നും സ്വന്തം എംപിമാരെപ്പോലും ഭയപ്പെടുന്ന അവസ്ഥയിലേക്ക് ബിജെപിമാറിയെന്നും എഐസിസി ജനറല്‍ സെക്രട്ടറി കെ.സി.വേണുഗോപാല്‍ എംപി. ആലപ്പുഴയില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. പാര്‍ലമെന്ററി പാര്‍ട്ടി ലീഡറെ തിരഞ്ഞെടുക്കാന്‍ എന്‍ഡിഎ യോഗം വിളിച്ചത് അതിന് തെളിവ്. ശക്തമായ പ്രതിപക്ഷമായി ഇന്ത്യാ സഖ്യം പ്രവര്‍ത്തിക്കും. എന്‍ഡിഎ സര്‍ക്കാരിന്റെ തെറ്റുകള്‍ക്കെതിരെ അതിശക്തമായ പോരാട്ടം പാര്‍ലമെന്റിന് അകത്തും പുറത്തും ഉണ്ടാകും. കോണ്‍ഗ്രസ് തീര്‍ന്ന് പോയെന്ന് പറഞ്ഞവരുടെ മുന്നിലേക്ക് ഫീനിക്സ് പക്ഷിയെപ്പോലെയാണ് ചാരകൂമ്പാരത്തില്‍ നിന്നും ഉയര്‍ത്തെഴുന്നേറ്റ് വന്നിരിക്കുന്നത്. രണ്ടാം മേദി സര്‍ക്കാരിന്റെ കാലത്തും കേരളത്തിന് കേന്ദ്രമന്ത്രമാരെ കിട്ടിയിട്ടുണ്ട്. അക്കാലത്തും കടുത്ത അവഗണനമാത്രമാണ് കേരളത്തിന് കിട്ടിയതെന്നും കേരളത്തില്‍ നിന്നുള്ള പുതിയ കേന്ദ്രമന്ത്രിമാരുടെ പ്രധാന്യത്തെ കുറിച്ചുള്ള ചോദ്യത്തിന് മറുപടിയായി അദ്ദേഹം പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group