കോഴിക്കോട് – രാവിലെ കരിപ്പൂരില്‍ നിന്ന് പുറപ്പെടേണ്ട എയര്‍ ഇന്ത്യയുടെ ദോഹ വിമാനം വൈകുന്നേരമേ പോകുകയുള്ളൂവെന്ന അറിയിപ്പ് വന്നതിനെ തുടര്‍ന്ന് പ്രതിഷേധവുമായി യാത്രക്കാര്‍ രംഗത്തത്തി. രാവിലെ 9 .35 ന് ദോഹയിലേക്ക് പുറപ്പെടേണ്ട എയര്‍ ഇന്ത്യ എക്‌സ്പ്രസ് വിമാനമാണ് വൈകുന്നത്. അന്വേഷിച്ചപ്പോള്‍ വൈകുന്നേരം 5.40നേ വിമാനം പുറപെടൂ വെന്ന് എയര്‍ ഇന്ത്യ എക്‌സ്പ്രസ് അധികൃതര്‍ അറിയിച്ചതോടെയാണ് യാത്രക്കാര്‍ പ്രതിഷേധം തുടങ്ങിയത്.
കരിപ്പൂരില്‍ ഇറക്കേണ്ട വിമാനം നെടുമ്പാശേരി വിമാനത്താവളത്തില്‍ ഇറക്കിയതിലും ഇന്ന് പ്രതിഷേധമുണ്ടായി. ദുബായില്‍ നിന്ന് പുലര്‍ച്ചെ കരിപ്പൂരില്‍ എത്തിയ വിമാനമാണ് കാലാവസ്ഥ മോശമായതിനെ തുടര്‍ന്ന് കൊച്ചിയില്‍ ഇറക്കിയത്. വിമാനത്തില്‍ തിരികെ കോഴിക്കോട്ട് എത്തിക്കണമെന്നാണ് യാത്രക്കാരുടെ ആവശ്യമുന്നയിച്ചത്. വിമാനത്താവളത്തിലേക്ക് പോകണമെന്ന് ജീവനക്കാര്‍ യാത്രക്കാരോട് ആവശ്യപ്പെട്ടുവെങ്കിലും യാത്രക്കാര്‍ നിരസിക്കുകയായിരുന്നു. പിന്നീട് നവൃത്തിയില്ലാതെ യാത്രക്കാര്‍ ഇറങ്ങിപ്പോയി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group