കോട്ടയം – കേരള കോൺഗ്രസുകളുടെ അഭിമാന പോരാട്ടത്തിൽ യുഡിഎഫിലെ കേരള കോൺഗ്രസ് ജോസഫ് വിഭാഗത്തിന് വിജയം..വോട്ടെണ്ണലിന്റെ തുടക്കം മുതൽ ലീഡ് നിലനിർത്തിയ ഫ്രാൻസിസ് ജോർജ് വൻഭൂരിപക്ഷത്തോടെ കോട്ടയം യുഡിഎഫ് ചേരിയിൽ ഉറപ്പിച്ചു നിർത്തി. ഇടക്കാലത്ത് വഴുതി പോയ കോട്ടയം യുഡിഎഫിന് തിരിച്ചു നൽകാൻ കഴിഞ്ഞതിൽ അതിരറ്റ ചാരിതാർത്ഥ്യവും സന്തോഷമുണ്ടെന്ന് ഫ്രാൻസിസ് ജോർജ് മാധ്യമങ്ങളോട് പ്രതികരിച്ചു.
എൽഡിഎഫിലെ കേരള കോൺഗ്രസ് സ്ഥാനാർത്ഥിയും സിറ്റിംഗ് എംപിയുമായ തോമസ് ചാഴികാടൻ പരാജയം അംഗീകരിച്ചു. പരാജയ കാരണങ്ങൾ പരിശോധിക്കുമെന്ന് ചാഴികാടൻ പറഞ്ഞു.കേരള കോൺഗ്രസ് എം ചെയർമാൻ ജോസ് കെ മാണിയോടൊപ്പം ആണ് ചാഴികാടൻ മാധ്യമങ്ങളെ കണ്ടത്.
കോട്ടയം ഡിസിസി ഓഫീസിൽ കോൺഗ്രസ് നേതാക്കൾക്കൊപ്പം ഇരുന്നാണ് ഫാൻസി സ്റ്റോർജ് മത്സരഫലം വീക്ഷിച്ചത്.ടിവിയിൽ ലീഡ് ഉയരുമ്പോഴൊക്കെ പ്രവർത്തകർ ആവേശത്തോടെ ആർപ്പുവിളിച്ചു.
യുഡിഎഫിന്റെ തെരഞ്ഞെടുപ്പ് പ്രചാരണത്തിന് ചുക്കാൻ പിടിച്ച തിരുവഞ്ചൂർ രാധാകൃഷ്ണൻ എംഎൽഎ.എംഎൽഎമാരായ മോൻസ് ജോസഫ്.മാണി സി കാപ്പൻ ഡിസിസി പ്രസിഡൻറ് നാട്ടകം സുരേഷ് എന്നിവരും ഡിസിസി ഭാരവാഹികളും സന്നിഹിതരായിരുന്നു.