ആലപ്പുഴ: ചാരുംമൂട് താമരക്കുളത്ത് പന്നിക്കെണിയില്നിന്ന് വൈദ്യുതാഘാതമേറ്റ് കര്ഷകന് മരിച്ചു. താമരക്കുളം സ്വദേശി ശിവന്കുട്ടി കെ. പിള്ള (63) ആണ് മരിച്ചത്. ഇന്ന് രാവിലെ 10 മണിയോടെയായിരുന്നു സംഭവം. സ്വന്തം കൃഷിയിടത്തിലേക്ക് പോകവേ മറ്റൊരാളുടെ സ്ഥലത്ത് സ്ഥാപിച്ച പന്നിക്കെണിയില്നിന്ന് വൈദ്യുതാഘാതമേറ്റാണ് മരണമെന്ന് ബന്ധുക്കള് പറഞ്ഞു.
ആലപ്പുഴയുടെ കിഴക്കന് മേഖലകളില് മാസങ്ങളായി പന്നിശല്യം രൂക്ഷമാണ്. ഇതിന്റെ പശ്ചാത്തലത്തില് കര്ഷകര് സ്വകാര്യ കൃഷിയിടങ്ങളില് പന്നിക്കെണികള് സ്ഥാപിച്ചിരുന്നു. നൂറനാട് പൊലീസ് സ്ഥലത്തെത്തി പരിശോധന നടത്തി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group