റിയാദ്: ഒന്നാമത് ഗ്ലോബ് വിന്‍ ലോജിസ്റ്റിക്‌സ് മലബാര്‍ പ്രീമിയര്‍ ലീഗ് നൈറ്റ് ക്രിക്കറ്റ് ടൂര്‍ണമെന്റില്‍ മൈറ്റി മലബാര്‍ ജേതാക്കളായി. ടെക്‌സ ഫ്‌ളഡ്‌ലിറ്റ് സ്റ്റേഡിയത്തില്‍ നടന്ന ഫൈനലില്‍ ഗ്ലോബ് വിന്‍ മലപ്പുറത്തെ അഞ്ചു വിക്കറ്റിന് തോല്‍പിച്ചാണ് മൈറ്റി മലബാര്‍ ജേതാക്കളായത്. ടൂര്‍ണമെന്റിലെ മികച്ച ബാറ്ററായി ഇര്‍ഷാദ് (ഗ്ലോബ് വിന്‍) മികച്ച ബൗളറായി യാസിര്‍ പാപ്പി (മൈറ്റി മലബാര്‍) മോസ്റ്റ് വാല്യൂബള്‍ പ്ലയറായി റാഷിദ് (ഗ്ലോബ് വിന്‍ ) എന്നിവരെ തെരഞ്ഞെടുത്തു.
മലബ്രീസ് ഗ്രൂപ്പ്, വൈ ബികെ കണ്ണൂര്‍, സ്‌ട്രൈക്കര്‍സ് തൃശൂര്‍, ഡ്രീം ആര്‍ട്‌സ് മജ്‌ലിസ്, ലെജന്‍ഡ്‌സ് സിസി, റോക്സ്റ്റര്‍ മുതാജിര്‍, ഗ്ലോബ് വിന്‍ മലപ്പുറം, മൈറ്റി മലബാര്‍ എന്നീ ഫ്രാഞ്ചൈസികളാണ് പ്രീമിയര്‍ ലീഗില്‍ പങ്കെടുത്തത്. വിജയികള്‍ക്ക് ട്രോഫികളും ക്യാഷ് പ്രൈസും പ്രവാസി കൂട്ടായ്മ പ്രസിഡന്റ് നാസര്‍ പാണയം, ഗ്ലോബ്,വിന്‍ എം ഡി സമീര്‍, കെസിഎ പ്രസിഡന്റ് ഷാബിന്‍ ജോര്‍ജ്, എംപി ഷഹ്ദാന്‍, മുഹമ്മദ് ഷിബു, ഫഹദ് ടെക്‌നോമേക്, നസീര്‍ഖാന്‍ അസ്മാസ് ഹോട്ടല്‍ എന്നിവര്‍ ചേര്‍ന്ന് നല്‍കി.