ദമാം: ലോക നേഴ്സസ് ദിനമായ ഇന്ന് ദമാം ബദര്‍ മെഡിക്കല്‍ സെന്ററില്‍ സ്നേഹ സംഗമം സംഘടിപ്പിച്ചു. ബദര്‍ മെഡിക്കല്‍ ഗ്രൂപ്പും നെസ്റ്റോ ഹൈപ്പര്‍ മാര്‍ക്കെറ്റ് ഗ്രൂപ്പും സംയുക്തമായാണ് നേഴ്സസ് ദിനം ആചരിച്ചത്‌. സീനിയര്‍ നേഴ്സുമാരായ ജിബു പി അബ്രഹാം, ദീപു ദിവാകരന്‍, സിമി റെജി, ജെസ്സി സാമുവല്‍ എന്നിവര്‍ ചേര്‍ന്ന് കേക്ക് മുറിച്ചു സംഗമം ഉദ്ഘാടനം ചെയ്തു. ബദര്‍ മെഡിക്കല്‍ ഗ്രൂപ്പ് എം ഡി അഹമ്മദ് പുളിക്കല്‍ മുഖ്യാതിതിയായി പങ്കെടുത്തു. ഇന്ത്യന്‍ മെഡിക്കല്‍ അസ്സോസിയേഷന്‍ പ്രസിഡന്‍റ് ഡോ. പ്രിന്‍സ് മാത്യു നേഴ്സസ് ദിന സന്ദേശം നല്‍കി. ചിറകുകളില്ലാത്ത കാരുണ്യത്തിന്റെ മാലാഖമാരാണ് സേവന നിരതരായ നേഴ്സുമാരെന്നു അദ്ദേഹം സന്ദേശത്തില്‍ പറഞ്ഞു.
സ്വന്തം ജീവനെയും ചുറ്റുപാടുകളെയും ചിന്തിക്കാതെ അഹോരാത്രം കര്‍മ്മ മണ്ഡലത്തില്‍ സജീവമായിരുന്ന ലോകത്തെ ആരോഗ്യ പ്രവര്‍ത്തകരെ ദമാം ബദര്‍ നേഴ്സസ് ഫോറം അഭിവാദ്യം ചെയ്തു. ഭൂമിയിലെ മാലാഖമാര്‍ എന്നറിയപ്പെടുന്ന നെഴ്സുമാരെ കുറിച്ച് ഓര്‍ക്കാനെങ്കിലും ഇങ്ങിനെ ഒരു ദിവസം ഉള്ളത് കൂടുതല്‍ ഉത്തരവാദിത്വങ്ങള്‍ ഒമ്മപ്പെടുതുന്നതിനും തങ്ങളുടെ കര്‍മ്മ മണ്ഡലങ്ങളില്‍ പുതിയ ചിന്തകള്‍ക്ക് ഇടം നല്കുന്നതിനുമാണെന്നും കരുണയോടെ ആരോഗ്യ രംഗത്ത്‌ ശോഭിക്കാനാവട്ടെയെന്നും ബദര്‍ മെഡിക്കല്‍ സെന്റര് ഡോക്ടര്‍മാരും നഴ്സുമാരും അഭിപ്രായപ്പെട്ടു.
നെസ്റ്റോ റീജിയണല്‍ ഓപറേഷന്‍ മാനേജര്‍ നിലാസ് നൈന, എച്ച് ആര്‍ മാനേജര്‍ സുലൈമാന്‍ കുറുന്നോളി, ജനറല്‍ മാനേജര്‍ നബീല്‍ കക്കടവത്ത്, ബദര്‍ മെഡിക്കല്‍ സെന്ററിലെ ഡോക്ടര്‍മാരായ അജി വര്‍ഗീസ്‌, സെബിന്‍, അമീന്‍, ഹാരി അബ്ദുല്‍ അസീസ്‌, ഡോണ, സീനത്ത്, ബേനസീര്‍, ഫാബി, മറിയം, മാനേജര്‍മാരായ ദഖീല്‍ അല്‍ ഖത്താമി, ഹബീബ് ഏലംകുളം, മുഹമ്മദ്‌ ഷാഫി കാസര്‍ഗോഡ്‌, മെഡിക്കല്‍ സെന്ററിലെ മറ്റു നേഴ്സുമാര്‍ എന്നിവര്‍ ചടങ്ങില്‍ സംബന്ധിച്ചു. .
പടം. അന്തര്‍ദേശീയ നേഴ്സിംഗ് ദിനത്തില്‍ ദമാം മെഡിക്കല്‍ സെന്ററില്‍ സംഘടിപ്പിച്ച സ്നേഹ സംഗമത്തില്‍ നിന്ന്.