ദമാം – റുബ്ഉല്‍ഖാലി മരുഭൂമിയില്‍ മൂന്നു ദിവസം കാണാതായ യു.എ.ഇ യുവാവിനെ സുരക്ഷിത നിലയില്‍ കണ്ടെത്തി. റുബ്ഉല്‍ഖാലിയില്‍ ബീര്‍ ഫൈസലിന് വടക്ക് ആണ് യു.എ.ഇ യുവാവ് സായിദ് അഹ്മദ് അല്‍മന്‍സൂരിയെ കാണാതായത്. മരുഭൂമിയില്‍ വളര്‍ത്തുന്ന പിതാവിന്റെ ഒട്ടകക്കൂട്ടത്തെ പരിശോധിക്കാന്‍ കാറില്‍ പോകുന്നതിനിടെയാണ് യുവാവിനെ കാണാതായത്. ഇതേ കുറിച്ച് കുടുംബം സൗദി സുരക്ഷാ വകുപ്പുകളെയും മരുഭൂമിയില്‍ കാണാതാകുന്നവര്‍ക്കു വേണ്ടി തിരച്ചിലുകളും രക്ഷാപ്രവര്‍ത്തനങ്ങളും നടത്തുന്ന സന്നദ്ധ സംഘടനകളെയും അറിയിക്കുകയായിരുന്നു. സന്നദ്ധ സംഘടനകള്‍ക്കു കീഴിലെ പ്രവര്‍ത്തകരും സുരക്ഷാ വകുപ്പുകളും നിരവധി വളണ്ടിയര്‍മാരും സായിദ് അല്‍മന്‍സൂരിക്കു വേണ്ടിയുള്ള തിരച്ചിലില്‍ പങ്കാളിത്തം വഹിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group