ഉത്തര്‍പ്രദേശ്– മേഘാലയില്‍ ഹണിമൂണിനിടെ നവവരന്‍ കൊല്ലപ്പെട്ട സംഭവത്തില്‍ ചോദ്യം ചെയ്യലിനോട് സഹകരിക്കാതെ ഭാര്യ സോനം. തന്നെ ബോധം കെടുത്തിയാണ് ഉത്തര്‍പ്രദേശില്‍ എത്തിച്ചതെന്ന് സോനം മൊഴി നല്‍കിയതായാണ് റിപ്പോര്‍ട്ട്. സോനത്തിന്റെ ആണ്‍സുഹൃത്തെന്ന് സംശയിക്കുന്ന രാജ് കുശ്വഹ, രാജ് രഘുവംഷിയുടെ സംസ്‌കാര ചടങ്ങുകളില്‍ പങ്കെടുത്തതായി ബന്ധുക്കള്‍ അറിയിച്ചു. സോനത്തിനെ തെളിവെടുപ്പ് അടക്കമുള്ള നടപടിക്രമങ്ങള്‍ക്കായി ഉത്തര്‍പ്രദേശ് പോലീസ് മേഘാലയ പോലീസിന് കൈമാറി.
ജൂണ്‍ 2നാണ് രാജ് രഘുവംശിയുടെ മൃതദേഹം സൊഹ്‌റയിലെ വീസവ്‌ഡോങ് വെള്ളച്ചാട്ടത്തിനടുത്തുള്ള മലയിടുക്കില്‍ നിന്ന് ലഭിച്ചത്. കാണാതായ ഭാര്യ സോനത്തെ മെയ് 8നാണ് ഉത്തര്‍പ്രദേശിലെ ഗാസിപൂരില്‍ നിന്ന് പോലീസ് അറസ്റ്റ് ചെയ്യുകയായിരുന്നു. ഇവര്‍ കൊലപാതകം നടത്താന്‍ ഏര്‍പ്പെടുത്തിയ മൂന്ന് ഗുണ്ടകളും പിടിയിലായിട്ടുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group