ജിദ്ദ – വിസാ പ്രശ്‌നം പരിഹരിച്ച് സൗദിയിലേക്ക് പ്രവേശനം അനുവദിച്ചതില്‍ ജിദ്ദ എയര്‍പോര്‍ട്ടില്‍ ലിബിയന്‍ ഹാജിമാരുടെ സന്തോഷ പ്രകടനം. അല്ലാഹു അക്ബര്‍ എന്ന് ഉച്ചത്തില്‍ ആവര്‍ത്തിച്ച് ഉരുവിട്ടും ദൈവീക സ്‌തോത്രം ചൊല്ലിയും സാഷ്ടാംഗ പ്രണാമം (സുജൂദ്) നടത്തിയും ടെര്‍മിനലിലൂടെ ഓടിയും തീര്‍ഥാടകര്‍ ആഹ്ലാദം പ്രകടിപ്പിച്ചു. ഉഗാണ്ട പൗരന്മാരാണെന്ന നിലക്കാണ് ലിബിയന്‍ തീര്‍ഥാടകര്‍ക്ക് സ്വന്തം രാജ്യത്തു വെച്ച് ഹജ് വിസകള്‍ അനുവദിച്ചത്.
ഇക്കാരണത്താല്‍ ഇവര്‍ക്ക് സൗദിയിലേക്ക് പ്രവേശനം നല്‍കാന്‍ ജിദ്ദ എയര്‍പോര്‍ട്ടില്‍ വെച്ച് ജവാസാത്ത് അധികൃതര്‍ വിസമ്മതിച്ചു. ഏറെ നേരം നീണ്ട അനിശ്ചിതത്വത്തിനൊടുവില്‍ ബന്ധപ്പെട്ട വകുപ്പുകള്‍ രേഖകളും പദവിയും ശരിയാക്കി ലിബിയന്‍ തീര്‍ഥാടകര്‍ക്ക് ഹജ് കര്‍മം നിര്‍വഹിക്കാന്‍ സൗദിയിലേക്ക് പ്രവേശനം നല്‍കാന്‍ തീരുമാനിക്കുകയായിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group